திருக்குறள்

குமரிநாடன் உரை:  எது எது உங்களுக்குத் துன்பம் தருகிறதோ அது அதில் இருந்து விலகி விடுவது அந்தந்த துன்பங்களில் இருந்து விடுபடுவதற்கான வழியாகும். இயல்கணக்கு விளக்கம்: ஆசையே துன்பத்திற்கு காரணம் என்பது பிழையான இலக்கியப்பாடு ஆகும். ஆசைப்படுவதே வளர்ச்சிக்கான அடிப்படை. அந்த வளர்ச்சிக்கு நீங்கள் அது கேட்கும் உழைப்பைக் கட்டாயம் தரவேண்டியிருக்கும். அந்த உழைப்பு உங்களுக்கு சிரமமாக இருந்தால் அந்த ஒன்றில் இருந்து மட்டும் விலகுவது போதுமானது.

 

 

வேண்டியவர் வேண்டாதவர் என்பதான எந்த வேறுபாடும் கருதாத தமிழின் நெறிகளை கொண்டாடுகிறவர்களுக்கு எப்போதும் துன்பம் இல்லை. தன் மூச்சுக்காற்றை ஒலியாக்கி, ஈன்ற அம்மா தந்த, முதல் உடைமையான, வேண்டியவர் வேண்டாதவர் என்பதான எந்த வேறுபாடும் கருதாத, தமிழின் நெறிகளை கொண்டாடுகிறவர்களுக்கு எப்போதும் துன்பம் இல்லை.

மனமாகிய மலர்மீது ஐம்புலன்களால் உணரவும் அறியவும்பட்டு ஏகிய தமிழின், சிறந்த நெறிகளைக் கொண்டாடுகிறவர் இப்புவியில் நெடுங்காலம் வாழ்வார். தமிழியல் என்கிற தமது சொந்த இயலைக் கொண்டாடுகிறவர்கள் பேரளவு உடைமைகளோடு இப்புவியில் நெடுங்காலம் வாழ்வது உறுதி.

வாலறிவன் என்கிற தமிழ், காட்டும் நன்னெறிகளை, பேணாதவர் எனில் அவர் கற்ற தமிழினால் என்ன பயன் இருக்கமுடியும். தன்சொந்த மொழியான தமிழைக் கற்பதோடு நின்றுவிட்டால் தமிழ் அவருக்கு பேரளவாக உதவ முடியாது. கற்ற தமிழைப் பேணியிருக்கவும் வேண்டும்.

குமரிநாடன் உரை:  தொன்மையென அனைவரும் அறிந்த ஞயிறு, கோள்களுக்கு முதன்மையானது போல, அகரத்தை முதலாவதாகக் கொண்டுள்ளது தமிழ் (எழுத்தெல்லாம் என்பது தமிழைக் குறிக்கும்). அந்த அகரத்தைத் தமிழுக்கு அடையாளமாக்கி கொண்டாடுவோம். விளக்கம்: அ என்கிற எழுத்தே முதல். வலிமையாகச் சொல்லுகிறார். அடித்துச் சொல்லுகிறார் திருவள்ளுவர்.  கொண்டாட வேண்டியதும், தூக்கிப் பிடிக்க வேண்டியதும், அகரமே (தமிழே).  ஒலியன் எழுத்து முறையாக, உலக மொழிகளில் தமிழ் மட்டுமே கூட்டி ஒலித்தால் சொல் வருகிற வகையில் எழுத்துக்களைக் கொண்டிருக்கிற நிலையில், ஒட்டுமொத்த ஒலிகளையும் ஒலியன் முறையில் எழுதிவிடக் கூடிய முதல் எழுத்துக்கள் என தமிழ்மொழி சுட்டுகிற முப்பது எழுத்துக்களுக்கும் முதல் எழுத்து 'அ'வே. எனவே அகரத்தைக் கொண்டாடுவோம் என்கிறார் திருவள்ளுவர். எவ்வாறெனில் உலகங்களுக்கெல்லாம் (கோள்களுக்கு எல்லாம்) தொடக்கமாக இருக்கிறது பகவன் என்கிற ஞாயிறு என்பது போல.  இந்தக் குறளில் எழுத்துக்களில் அகரத்தின் முதன்மையை விளக்குவதற்கு வானியலை மேற்கோள் காட்டியதால், முதலெனப்படுவது இடமும் காலமும் என்று நிறுவிய தமிழ்முன்னோர், 'காலத்தை' வாழ்ந்த ப...